be zabaan kaliyon kaa dil mailaa kiyaa

Be-zabaan kaliyon kaa dil mailaa kiyaa Ai havaa-e-sub.h too ne kya kiyaa Kee 'ataa har gul ko ik rangeen qabaa Boo-e-gul ko shahr men rusvaa kiyaa Kyaa tujhe wo sub.h-e-kaazib yaad hai Raushnee se too ne jab parda kiyaa Be-khayaalee men sitaare chun liye Jagmagaatee raat ko andhaa kiyaa Jaate jaate shaam yak-dam hans paDee Ik sitaara der tak royaa kiyaa RuuTh kar ghar se gaya too kitnee baar Kyaa dar-o-deevaar ne peechhaa kiyaa Apnee 'uryaanee chhupaane ke liye Too ne saare shahr ko nangaa kiyaa Be-zaban kaliyon ka dil maila kiya Ai hawa-e-subh tu ne kya kiya Ki 'ata har gul ko ek rangin qaba Bu-e-gul ko shahr mein ruswa kiya Kya tujhe wo subh-e-kazib yaad hai Raushni se tu ne jab parda kiya Be-KHayali mein sitare chun liye Jagmagati raat ko andha kiya Jate jate sham yak-dam hans paDi Ek sitara der tak roya kiya RuTh kar ghar se gaya tu kitni bar Kya dar-o-diwar ne pichha kiya Apni 'uryani chhupane ke liye Tu ne sare shahr ko nanga kiya