diivaar e girya

Ajab jaadoo bharee aankhen thiin us kee Vo jab palken uThaa kar ik nazar taktee to aankhon kee Siyah jheelon men Jaise machhliyon ko aag lag jaatee Hazaaron surkh Dore tilmilaa kar jast bharte Aab-e-gham kee qaid se baahar nikalne ke liye Sau sau jatan karte Magar majboor the Chaaron taraf aansoo ke gumbad the Namee ke bulbule the Aur ik deevaar-e-girya Jo azal se taa-abad phailee huee thee Ajab jaadoo bharee aankhen thiin us kee Ba-zaahir aane vaale ko na aane ke liye kahtee Ba-baatin chaahtee deevaar ko wo toD kar us tak pahunch jaa.en KhaDaa hoon main pas-e-deevaar-e-girya Namee ke bulbulon ko is kee palkon par larazte jhilmilaate Dekhtaa hoon ungliyon se chhoo bhee saktaa hoon Magar deevaar-e-girya ko Ufuq se taa ufuq phailee huee Sheeshe kee is shaffaaf chaadar ko kabhi ab tak to koi toD kar aage nahin aayaa Main ik aansoo bhare lamhe kee silvaT Main kaise paar kar saktaa hoon is ko Ajab jadu bhari aankhen thin us ki Wo jab palken uTha kar ek nazar takti to aankhon ki Siyah jhilon mein Jaise machhliyon ko aag lag jati Hazaron surKH Dore tilmila kar jast bharte Aab-e-gham ki qaid se bahar nikalne ke liye Sau sau jatan karte Magar majbur the Chaaron taraf aansu ke gumbad the Nami ke bulbule the Aur ek diwar-e-girya Jo azal se ta-abad phaili hui thi Ajab jadu bhari aankhen thin us ki Ba-zahir aane wale ko na aane ke liye kahti Ba-baatin chahti diwar ko wo toD kar us tak pahunch jaen KhaDa hun main pas-e-diwar-e-girya Nami ke bulbulon ko is ki palkon par larazte jhilmilate Dekhta hun ungliyon se chhu bhi sakta hun Magar diwar-e-girya ko Ufuq se ta ufuq phaili hui Shishe ki is shaffaf chadar ko kabhi ab tak to koi toD kar aage nahin aaya Main ek aansu bhare lamhe ki silwaT Main kaise par kar sakta hun is ko