din dhal chukaa thaa aur parinda safar men thaa

Din Dhal chukaa thaa aur parinda safar men thaa Saaraa lahoo badan kaa ravaan musht-e-par men thaa Jaate kahaan ki raat kee baanhen thiin mushta.il Chhupte kahaan ki sara jahaan apne ghar men thaa Had-e-ufuq pe shaam thee kheme men muntazir Aansoo kaa ik pahaaD saa haa.il nazar men thaa Lo wo bhee khushk ret ke Tiile men Dhal gaya Kal tak jo ek koh-e-giraan rahguzar men thaa Utraa thaa vahshee chiDiyon kaa lashkar zameen par Phir ik bhee sabz paat na saare nagar men thaa Paagal see ik sadaa kisee ujDe makaan men thee KhiDkee men ik charaagh bharee-dopahar men thaa Us kaa badan thaa khauf kee hiddat se sho.ala-vash Sooraj kaa ik gulaab saa tasht-e-sahar men thaa Din Dhal chuka tha aur parinda safar mein tha Sara lahu badan ka rawan musht-e-par mein tha Jate kahan ki raat ki banhen thin mushtail Chhupte kahan ki sara jahan apne ghar mein tha Had-e-ufuq pe sham thi KHeme mein muntazir Aansu ka ek pahaD sa hail nazar mein tha Lo wo bhi KHushk ret ke Tile mein Dhal gaya Kal tak jo ek koh-e-giran rahguzar mein tha Utra tha wahshi chiDiyon ka lashkar zamin par Phir ek bhi sabz pat na sare nagar mein tha Pagal si ek sada kisi ujDe makan mein thi KhiDki mein ek charagh bhari-dopahar mein tha Us ka badan tha KHauf ki hiddat se shoala-wash Suraj ka ek gulab sa tasht-e-sahar mein tha