duaa bayaaz e shab o roz par dastakhat tere qadmon ke hon

Bayaaz-e-shab-o-roz par dastakhat tere qadmon ke hon Badan ke paseene se qarnon ke auraaq mahken Sabaa tere raste se kankar haTaa.e Falak par garajtaa huaa garm baadal Tire tan kee qaus-e-quzah kaa Laraztaa damaktaa huaa koi manzar dikhaa.e Tujhe har qadam par milen manzilen Havaa ek baareek se tez chaabuk kee soorat Tiree band muTThee men dubkee rahe Sadaa tujh ko hairat se dekhe zamaana Too bahte hue tez dhaaron kee manzil bane Baadbaan saare teree hee jaanib khulen Aur ufuq kee munDeron pe koonjon kee lambee qataaren Tiree muntazir hon Agar main zameen ke siyah tang paataal men gir bhee jaaon to kya hai Tujhe to zameen kore kaaghaz kee soorat mile Bayaaz-e-shab-o-roz par dastakhat tire qadmon ke hon Chahakte hue teenon naTkhaT zamaane Tire gird naachen Too bansee kee taanon se har shai ko paagal kare nazr-e-aatish kare ToD Daale Magar khud na TuuTe Magar khud na TuuTe Kabhee too na TuuTe Bayaz-e-shab-o-roz par dastaKHat tere qadmon ke hon Badan ke pasine se qarnon ke auraq mahken Saba tere raste se kankar haTae Falak par garajta hua garm baadal Tere tan ki qaus-e-quzah ka Larazta damakta hua koi manzar dikhae Tujhe har qadam par milen manzilen Hawa ek barik se tez chabuk ki surat Teri band muTThi mein dubki rahe Sada tujh ko hairat se dekhe zamana Tu bahte hue tez dhaaron ki manzil bane Baadban sare teri hi jaanib khulen Aur ufuq ki munDeron pe kunjon ki lambi qataren Teri muntazir hon Agar main zamin ke siyah tang patal mein gir bhi jaun to kya hai Tujhe to zamin kore kaghaz ki surat mile Bayaz-e-shab-o-roz par dastaKHat tere qadmon ke hon Chahakte hue tinon naTkhaT zamane Tere gird nachen Tu bansi ki tanon se har shai ko pagal kare nazr-e-atish kare ToD Dale Magar KHud na TuTe Magar KHud na TuTe Kabhi tu na TuTe