duaa byaaz e shab o roz par dastakhat tere qadmon ke hon

Byaaz-e-shab-o-roz par dastakhat tere qadmon ke hon Badan ke paseene se qarnon ke auraaq mahken Sabaa tere raste se kankar haTaa.e Falak par garajtaa huaa garm baadal Tire tan kee qaus-e-quzah kaa Laraztaa damaktaa huaa koi manzar dikhaa.e Tujhe har qadam par milen manzilen Havaa ke ek baareek se tez chaabuk kee soorat Tiree band muTThee men dubkee rahe Sadaa tujh ko hairat se dekhe zamaana To bahte hue tez dhaaron kee manzil bane Baadbaan saare teree hee jaanib khulen Aur ufuq kee munDeron pe koDon ko lambee qataaren Tiree muntazir hoon Agar main zameen ke siyah tang paataal men gir bhee jaaon to kya hai Tujhe to zameen kore kaaghaz kee soorat mile Byaaz-e-shab-o-roz par dastakhat tere qadmon ke hon Chahakte hue teenon naT-khaT zamaane Tire guroo naachen To bansee kee taanon se har shai ko paagal kare nazr-e-aatish kare ToD Daale Magar khud na TuuTe Kabhee to na TuuTe Byaz-e-shab-o-roz par dastaKHat tere qadmon ke hon Badan ke pasine se qarnon ke auraq mahken Saba tere raste se kankar haTae Falak par garajta hua garm baadal Tere tan ki qaus-e-quzah ka Larazta damakta hua koi manzar dikhae Tujhe har qadam par milen manzilen Hawa ke ek barik se tez chabuk ki surat Teri band muTThi mein dubki rahe Sada tujh ko hairat se dekhe zamana To bahte hue tez dhaaron ki manzil bane Baadban sare teri hi jaanib khulen Aur ufuq ki munDeron pe koDon ko lambi qataren Teri muntazir hun Agar main zamin ke siyah tang patal mein gir bhi jaun to kya hai Tujhe to zamin kore kaghaz ki surat mile Byaz-e-shab-o-roz par dastaKHat tere qadmon ke hon Chahakte hue tinon naT-khaT zamane Tere guru nachen To bansi ki tanon se har shai ko pagal kare nazr-e-atish kare ToD Dale Magar KHud na TuTe Kabhi to na TuTe