ik be ant vajuud ik be ant vajuud hai is kaa
— Wazir Agha
Ik be-ant vajood hai is kaa
Gahre kaale makhmal aisa
Jis par laakhon arbon aankhen
Naqsh huee hain
In aankhon men
Main ik aisi aankh hoon
Jis ne
Ek hee pal men
Saaraa manzar
Aur manzar ke peechhe kaa sab khaalee manzar
Dekh liyaa hai
Taknaa is ne siikh liyaa hai
Par wo gahraa kaalaa makhmal
Us ko is se gharaz nahin hai
Kaun see aankh ko beenaa.ee kaa daan milaa hai
Kyaa is kaa anjaam huaa hai
Ek be-ant wajud hai is ka
Gahre kale maKHmal aisa
Jis par lakhon arbon aankhen
Naqsh hui hain
In aankhon mein
Main ek aisi aankh hun
Jis ne
Ek hi pal mein
Sara manzar
Aur manzar ke pichhe ka sab KHali manzar
Dekh liya hai
Takna is ne sikh liya hai
Par wo gahra kala maKHmal
Us ko is se gharaz nahin hai
Kaun si aankh ko binai ka dan mila hai
Kya is ka anjam hua hai