ik tanhaa be barg shajar kaun mujhe dukh de saktaa hai

Kaun mujhe dukh de saktaa hai Dukh to mere andar kee kisht veeraan kaa Ik tanaa be-barg shajar hai Rut kee naazuk laanbee poren Kirnen khushboo chaap havaa.en Jismon par jab rengne phirne lagtee hain Mere andar dukh kaa soyaa peD bhee jaag uThtaa hai Tang masaamon ke ghurfon se Lambee naazuk shaakhen phan phailaa kar Tan kee andhee shiryaanon men qadam qadam chalne lagtee hain Sharyaanon se ragon ragon se nason ke andar tak Jaane lagtee hain Phir wo garm lahoo men mil kar Ik ik baal kee jaD tak phailtee jaatee hain Aur ye meraa sadiyon puraanaa maskan khaakee maskan Khud bhee ek shajar ban jaataa hai Vaqt kee qatra qatra Tapaktee Surkh zabaan kee nok pe aa kar Jam jaataa hai Kaun mujhe dukh de sakta hai Dukh to mere andar ki kisht viran ka Ek tana be-barg shajar hai Rut ki nazuk lanbi poren Kirnen KHushbu chap hawaen Jismon par jab rengne phirne lagti hain Mere andar dukh ka soya peD bhi jag uThta hai Tang masamon ke ghurfon se Lambi nazuk shaKHen phan phaila kar Tan ki andhi shiryanon mein qadam qadam chalne lagti hain Sharyanon se ragon ragon se nason ke andar tak Jaane lagti hain Phir wo garm lahu mein mil kar Ek ek baal ki jaD tak phailti jati hain Aur ye mera sadiyon purana maskan KHaki maskan KHud bhi ek shajar ban jata hai Waqt ki qatra qatra Tapakti SurKH zaban ki nok pe aa kar Jam jata hai