is girya e paiham ki aziyyat se bachaa de
— Wazir Agha
Is girya-e-paiham kee aziyyat se bachaa de
Aavaaz-e-jaras ab ke baras mujh ko hansaa de
Yaa abr-e-karam ban ke baras khushk zameen par
Yaa pyaas ke sahraa men mujhe jiinaa sikhaa de
Main bhee tiree khushboo hoon miree samt bhee too dekh
Mohlat tujhe gar silsila-e-mauj-e-sabaa de
Sooraj ne mujhe barf kya hai to tujhe kya
Kyaa tujh ko agar barf mujhe aag lagaa de
Aisaa bhee nahin hai ki faqat khaak-nasheen hoon
Aa jaa.e havaa aa ke miree khaak uDaa de
Khushboo kee tarah dar-badaree khoo ho miree gar
Hai shak to mujhe meree nigaahon men giraa de
KaanTe kee jaraahat se bhee mar jaate hain Kuch log
Rakh hausla itnee bhee na ab khud ko sazaa de
Yaa rab tiree rahmat kaa talabgaar hai ye bhee
ThoDee see mire shahr ko bhee aab-o-havaa de
Kyaa teraa bigaDtaa hai agar chaandnee shab too
Ik baar mujhe phir meree awaaz sunaa de
Is girya-e-paiham ki aziyyat se bacha de
Aawaz-e-jaras ab ke baras mujh ko hansa de
Ya abr-e-karam ban ke baras KHushk zamin par
Ya pyas ke sahra mein mujhe jina sikha de
Main bhi teri KHushbu hun meri samt bhi tu dekh
Mohlat tujhe gar silsila-e-mauj-e-saba de
Suraj ne mujhe barf kya hai to tujhe kya
Kya tujh ko agar barf mujhe aag laga de
Aisa bhi nahin hai ki faqat KHak-nashin hun
Aa jae hawa aa ke meri KHak uDa de
KHushbu ki tarah dar-badari KHu ho meri gar
Hai shak to mujhe meri nigahon mein gira de
KanTe ki jarahat se bhi mar jate hain Kuch log
Rakh hausla itni bhi na ab KHud ko saza de
Ya rab teri rahmat ka talabgar hai ye bhi
ThoDi si mere shahr ko bhi aab-o-hawa de
Kya tera bigaDta hai agar chandni shab tu
Ek bar mujhe phir meri aawaz suna de