karaan taa karaan

Jo maza chaahat men hai Haasil men us ko DhoonDhnaa be-kaar hai Ho kahaan tum kis jahaan men Kyuun mujhe ma.aloom ho? Dhund men ho khvaab men Yaa aasmaan kee qaus men Yaa mauj kee gardish men ho Tum haath kee rekhaa ke andar ho kaheen Yaa duur sannaaTon ke Takraav se paidaa An-sunee awaaz kee rezish men ho Chaahe kaheen bhee ho Miree chaahat ke phaile baazuon ke Halqa-e-mauhoom men maujood ho! Lams men hiddat bahut hai Aur sitaaron kee chubhan kaa bhee mujhe ehsaas hai Band muTThee men dabe motee Kee lazzat se bhee hoon main aashnaa Par bayaan kaise karoon Vo lutf jo chaahat kee phailee boss kee Mad.hosh-kun ThanDak men hai Chaahat ke har dam Phailte aafaaq kee larzish men hai!! Jo maza chahat mein hai Hasil mein us ko DhunDhna be-kar hai Ho kahan tum kis jahan mein Kyun mujhe malum ho? Dhund mein ho KHwab mein Ya aasman ki qaus mein Ya mauj ki gardish mein ho Tum hath ki rekha ke andar ho kahin Ya dur sannaTon ke Takraw se paida An-suni aawaz ki rezish mein ho Chahe kahin bhi ho Meri chahat ke phaile bazuon ke Halqa-e-mauhum mein maujud ho! Lams mein hiddat bahut hai Aur sitaron ki chubhan ka bhi mujhe ehsas hai Band muTThi mein dabe moti Ki lazzat se bhi hun main aashna Par bayan kaise karun Wo lutf jo chahat ki phaili boss ki Madhosh-kun ThanDak mein hai Chahat ke har dam Phailte aafaq ki larzish mein hai!!