khud se huaa judaa to milaa martaba tujhe

Khud se huaa judaa to milaa martaba tujhe Aazaad ho ke mujh se magar kya milaa tujhe Ik lahza apnee aankh men too jhaank le agar Aa.uun nazar men bikhraa huaa jaa-ba-jaa tujhe Thaa mujh ko teraa phenkaa huaa phuul hee bahut Lafzon kaa ehtimaam bhee karnaa paDaa tujhe Ye aur baat main ne sadaa.en hazaar diin Aa.ee na dasht-e-haul se ik bhee sadaa tujhe Too ne bhee khud ko markaz-e-aalam samajh liyaa Lag hee ga.ee zamaane kee aakhir havaa tujhe Kyaa qahr hai ki rangon ke is izhdihaam men Juz rang-e-zard aur na Kuch bhee milaa tujhe Nazron ne taar taar kiyaa aasmaan tamaam Aa.ee na raas taaron bharee ye ridaa tujhe Daa.im rahe safar men tiraa naaqa-e-khayaal Detaa rahoon main roz yahee bad-duaa tujhe Kahne ko chand gaam thaa ye arsa-e-hayaat Lekin tamaam umr hee chalnaa paDaa tujhe KHud se hua juda to mila martaba tujhe Aazad ho ke mujh se magar kya mila tujhe Ek lahza apni aankh mein tu jhank le agar Aaun nazar mein bikhra hua ja-ba-ja tujhe Tha mujh ko tera phenka hua phul hi bahut Lafzon ka ehtimam bhi karna paDa tujhe Ye aur baat main ne sadaen hazar din Aai na dasht-e-haul se ek bhi sada tujhe Tu ne bhi KHud ko markaz-e-alam samajh liya Lag hi gai zamane ki aaKHir hawa tujhe Kya qahr hai ki rangon ke is izhdiham mein Juz rang-e-zard aur na Kuch bhi mila tujhe Nazron ne tar tar kiya aasman tamam Aai na ras taron bhari ye rida tujhe Daim rahe safar mein tera naqa-e-KHayal Deta rahun main roz yahi bad-dua tujhe Kahne ko chand gam tha ye arsa-e-hayat Lekin tamam umr hi chalna paDa tujhe