kis kis se na wo lipat raha tha

Kis kis se na wo lipaT raha tha Paagal tha yoonhee chimaT raha tha Meree raat guzar rahi thee aise Main jaise varaq ulaT raha tha Saagar men nahin thee mauj ik bhee Saahil tha ki phir bhee kaT raha tha Main bhee to jhapaT raha tha khud par Jab meraa asaasa baT raha tha Dekhaa to nazar thee us kee jal-thal Mashkeeza-e-abr phaT raha tha Qismat hee men raushnee nahin thee Baadal to kabhi kaa chhaT raha tha Nashsha tha chaDhaao par sahar-dam Paimaana-e-umr ghaT raha tha Kis kis se na wo lipaT raha tha Pagal tha yunhi chimaT raha tha Meri raat guzar rahi thi aise Main jaise waraq ulaT raha tha Sagar mein nahin thi mauj ek bhi Sahil tha ki phir bhi kaT raha tha Main bhi to jhapaT raha tha KHud par Jab mera asasa baT raha tha Dekha to nazar thi us ki jal-thal Mashkiza-e-abr phaT raha tha Qismat hi mein raushni nahin thi Baadal to kabhi ka chhaT raha tha Nashsha tha chaDhao par sahar-dam Paimana-e-umr ghaT raha tha