nashr gaah faqat apne hone kaa elaan main ne kiyaa

Faqat apne hone kaa elaan main ne kiyaa Par na sochaa Kahaan se chalaa thaa kahaan aa ke Thahraa Main kis manzil-e-be-nishaan kee taraf ab ravaan hoon Mujhe khushk bad-rang chamDe pe likkhe savaalon se raghbat Naheen thee Main mantiq kee varzish se khud ko thakaanaa nahin chaahtaa thaa Faqat apne hone kaa elaan main ne kiyaa Aur dekhaa Falak kee siyah gahree sookhee huee baa.ulee se KaroDon sitaare Shuaaon kee be-samt be-lafz goongee zabaan men Larazte labon se Na hone ke munkir the Hone kaa elaan karte chale jaa rahe the Faqat apne hone kaa elaan main ne kiyaa Aur betaab phoolon se saavan ke jhoolon se ChiDiyon ke loree se Har zinda hastee ke saanson kee Doree se Aavaaz aa.ee Mujhe apne hone kaa haqq-ul-yaqeen hai Main elaan kartee hoon apna Ajab silsila thaa KaroDon baras kee masaafat pe phailaa huaa sara aalam Sadaaon kee lahron kee ik cheekhtee nashr-gah ban chukaa thaa Faqat apne hone kaa elaan kartaa chalaa jaa raha thaa Ye elaan kis ke liye thaa Tujhe kya khabar hai Too is nashr-gah kaa faqat ek adnaa mulaazim Too Kuch bhee nahin jaantaa hai Faqat apne hone ka elan main ne kiya Par na socha Kahan se chala tha kahan aa ke Thahra Main kis manzil-e-be-nishan ki taraf ab rawan hun Mujhe KHushk bad-rang chamDe pe likkhe sawalon se raghbat Nahin thi Main mantiq ki warzish se KHud ko thakana nahin chahta tha Faqat apne hone ka elan main ne kiya Aur dekha Falak ki siyah gahri sukhi hui bauli se KaroDon sitare Shuaon ki be-samt be-lafz gungi zaban mein Larazte labon se Na hone ke munkir the Hone ka elan karte chale ja rahe the Faqat apne hone ka elan main ne kiya Aur betab phulon se sawan ke jhulon se ChiDiyon ke lori se Har zinda hasti ke sanson ki Dori se Aawaz aai Mujhe apne hone ka haqq-ul-yaqin hai Main elan karti hun apna Ajab silsila tha KaroDon baras ki masafat pe phaila hua sara aalam Sadaon ki lahron ki ek chiKHti nashr-gah ban chuka tha Faqat apne hone ka elan karta chala ja raha tha Ye elan kis ke liye tha Tujhe kya KHabar hai Tu is nashr-gah ka faqat ek adna mulazim Tu Kuch bhi nahin jaanta hai