nirvaan

Miree saans kaa silsila Aise TuuTe ki ik mast jhonke ke maanind girtee luDhaktee huee umr meree Haree laanbee makhmal see khushboo bharee ghaas men Apne nange badan ko utaare Na aansoo giraa.e na daaman pasaare Faqat haath ke al-vidaa.ee ishaare se Apne ta.aaqub men aate parindon ko rukhsat kare Aur khud ghaas kee jhiil men Doob jaa.e Miree saans kaa silsila Yuun na TuuTe ki ik tund jhonke ke maanind uDtee huee umr meree Kisee band ujDe hue shahr men daf.atan khud ko paa.e Bhayaanak khamoshee kaa ik Doltaa qahqaha Us kee rag rag men utre to wo baukhlaa.e Qataaron men leTee huee murda galiyon men bhaTke Makaanon men utre munDeron pe aa.e Siyah chhoTee eenTon kee farsooda deevaar ko apnee poron se chhoo kar Koee dar DhoonDe koi raah maange Achaanak kisee sard khambe kee be-noor aankhon se jhaanke BaDe karb se giDgiDaa.e Khudaaraa koi mujh ko baahar nikalne kaa rasta bataa.e Khudaaraa koi mujh ko baahar nikalne kaa rasta bataa.e Meri sans ka silsila Aise TuTe ki ek mast jhonke ke manind girti luDhakti hui umr meri Hari lanbi maKHmal si KHushbu bhari ghas mein Apne nange badan ko utare Na aansu girae na daman pasare Faqat hath ke al-widai ishaare se Apne taaqub mein aate parindon ko ruKHsat kare Aur KHud ghas ki jhil mein Dub jae Meri sans ka silsila Yun na TuTe ki ek tund jhonke ke manind uDti hui umr meri Kisi band ujDe hue shahr mein dafatan KHud ko pae Bhayanak KHamoshi ka ek Dolta qahqaha Us ki rag rag mein utre to wo baukhlae Qataron mein leTi hui murda galiyon mein bhaTke Makanon mein utre munDeron pe aae Siyah chhoTi inTon ki farsuda diwar ko apni poron se chhu kar Koi dar DhunDe koi rah mange Achanak kisi sard khambe ki be-nur aankhon se jhanke BaDe karb se giDgiDae KHudara koi mujh ko bahar nikalne ka rasta batae KHudara koi mujh ko bahar nikalne ka rasta batae