sahar ne aa kar mujhe sulaayaa to main ne jaanaa

Sahar ne aa kar mujhe sulaayaa to main ne jaanaa Phir ek sapnaa mujhe dikhaayaa to main ne jaanaa Ba-juz havaa ab rukegaa koi na paas mere Andheree shab men diyaa bujhaayaa to main ne jaanaa Gayaa ye kah kar ki ek shab kee hai baat saaree Magar wo jab lauT kar na aayaa to main ne jaanaa Main ek tinkaa rukaa khaDaa thaa nadee kinaare Nadee ne bahnaa mujhe sikhaayaa to main ne jaanaa Siyaah baadal men barq kaundee to sab ne dekhaa Tiree hansee ne mujhe rulaayaa to main ne jaanaa Main oDh kar khud ko so gaya thaa ki be-khatar thaa Koee parinda jo phaDphaDaayaa to main ne jaanaa Mire hee siine men sakht patthar see shai hai koi Jo aaj too ne mujhe bataayaa to main ne jaanaa Main teree nazron se gir chukaa thaa magar jo too ne Miree nazar se mujhe giraayaa to main ne jaanaa Havaa men shaamil thee tishnagee us ke tan-badan kee Havaa ne meraa badan jalaayaa to main ne jaanaa Sahar ne aa kar mujhe sulaya to main ne jaana Phir ek sapna mujhe dikhaya to main ne jaana Ba-juz hawa ab rukega koi na pas mere Andheri shab mein diya bujhaya to main ne jaana Gaya ye kah kar ki ek shab ki hai baat sari Magar wo jab lauT kar na aaya to main ne jaana Main ek tinka ruka khaDa tha nadi kinare Nadi ne bahna mujhe sikhaya to main ne jaana Siyah baadal mein barq kaundi to sab ne dekha Teri hansi ne mujhe rulaya to main ne jaana Main oDh kar KHud ko so gaya tha ki be-KHatar tha Koi parinda jo phaDphaDaya to main ne jaana Mere hi sine mein saKHt patthar si shai hai koi Jo aaj tu ne mujhe bataya to main ne jaana Main teri nazron se gir chuka tha magar jo tu ne Meri nazar se mujhe giraya to main ne jaana Hawa mein shamil thi tishnagi us ke tan-badan ki Hawa ne mera badan jalaya to main ne jaana