sakta

Agar wo marhala aa.e Havaa jab saans lenaa bhuul jaa.e Musaafir chalte chalte ruk paDe soche Mujhe ab kaun see manzil ko jaanaa hai Parinda aasmaan par Daa.era-dar-daa.era uDtaa Safedee ke mahaa-girdaab ke andar utar jaa.e Mundee aankhon men jab Khvaabon kaa ik mauj-e-saagar Ret kee shiknon men Dhal kar Ret ho jaa.e Agar wo marhala aa.e To tum apnee nazar kee siidh men takte chale jaanaa Faqat takte chale jaanaa Usee maanjhe kee piilee Dor kee jaanib Jo apnee ibtidaa aur intihaa ke Darmiyaan Ik aakhiree imkaan ban kar rah ga.ee hai Agar wo marhala aae Hawa jab sans lena bhul jae Musafir chalte chalte ruk paDe soche Mujhe ab kaun si manzil ko jaana hai Parinda aasman par Daera-dar-daera uDta Safedi ke maha-girdab ke andar utar jae Mundi aankhon mein jab KHwabon ka ek mauj-e-sagar Ret ki shiknon mein Dhal kar Ret ho jae Agar wo marhala aae To tum apni nazar ki sidh mein takte chale jaana Faqat takte chale jaana Usi manjhe ki pili Dor ki jaanib Jo apni ibtida aur intiha ke Darmiyan Ek aaKHiri imkan ban kar rah gai hai