samundar agar mere andar aa gire samundar agar mere andar aa gire

Samundar agar mere andar aa gire Too paayaab lahron men Dhal ke sulagne lage Pyaas ke be-nishaan dasht men Whale machhlee kee soorat taDapne lage Horpunon se nezon se chhalnee badan par Dahaktee huee ret ke tez char ke sahe Aur phir ret par jhaag ke Kuch nishaan chhoD kar Taa-abad sar-bureeda se saahil ke saa.e men Hone na hone kee meeThee aziyyat men khoyaa rahe Ye hone na hone kee meeThee aziyyat bhee kya hai Nigaahen uThaa.oon to hadd-e-nazar tak Azal aur abad ke sutoonon pe baareek saa ek khema tanaa hai Na hone kaa ye ruup kitnaa nayaa hai Aur kheme ke andar KaroDon sitaaron kaa mela lagaa hai Ye hone kaa bahroop laa-intihaa hai Miraa jism Resham kaa sad-chaak khema Kisee be-karaan dasht men be-sahaaraa khaDaa hai Magar jab main aankhen jhukaa.oon To us sard kheme ke andar KaroDon taDapte hue tund zarron kaa ik dasht phailaa huaa hai Ye hone na hone kee meeThee aziyyat Ajab maajraa hai Samundar agar mere andar aa gire Tu payab lahron mein Dhal ke sulagne lage Pyas ke be-nishan dasht mein Whale machhli ki surat taDapne lage Horpunon se nezon se chhalni badan par Dahakti hui ret ke tez char ke sahe Aur phir ret par jhag ke Kuch nishan chhoD kar Ta-abad sar-burida se sahil ke sae mein Hone na hone ki miThi aziyyat mein khoya rahe Ye hone na hone ki miThi aziyyat bhi kya hai Nigahen uThaun to hadd-e-nazar tak Azal aur abad ke sutunon pe barik sa ek KHema tana hai Na hone ka ye rup kitna naya hai Aur KHeme ke andar KaroDon sitaron ka mela laga hai Ye hone ka bahrup la-intiha hai Mera jism Resham ka sad-chaak KHema Kisi be-karan dasht mein be-sahaara khaDa hai Magar jab main aankhen jhukaun To us sard KHeme ke andar KaroDon taDapte hue tund zarron ka ek dasht phaila hua hai Ye hone na hone ki miThi aziyyat Ajab majra hai