sikhaa diyaa hai zamaane ne be basar rahnaa

Sikhaa diyaa hai zamaane ne be-basar rahnaa Khabar kee aanch men jal kar bhee be-khabar rahnaa Sahar kee os se kahnaa ki ek pal to ruke Ki naa-pasand hai ham ko bhee khaak par rahnaa Tamaam umr hee guzree hai dastaken sunte Hamen to raas na aayaa khud apne ghar rahnaa Vo khush-kalaam hai aisa ki us ke paas hamen Taveel rahnaa bhee lagtaa hai mukhtasar rahnaa Safar aziiz havaa ko magar aziiz hamen Misaal-e-nik.hat-e-gul us kaa ham-safar rahnaa Shajar pe phuul to aate rahe bahut lekin Samajh men aa na sakaa us kaa be-samar rahnaa Ajiib tarz-e-takallum hai us kee aankhon kaa Khamosh rah ke bhee lafzon kee dhaar par rahnaa Varaq varaq na sahee umr-e-raa.egaan meree Havaa ke saath magar tum na umr bhar rahnaa Zaraa see Thes lagee aur ghar ko oDh liyaa Kahaan gaya wo tumhaaraa nagar nagar rahnaa Sikha diya hai zamane ne be-basar rahna KHabar ki aanch mein jal kar bhi be-KHabar rahna Sahar ki os se kahna ki ek pal to ruke Ki na-pasand hai hum ko bhi KHak par rahna Tamam umr hi guzri hai dastaken sunte Hamein to ras na aaya KHud apne ghar rahna Wo KHush-kalam hai aisa ki us ke pas hamein Tawil rahna bhi lagta hai muKHtasar rahna Safar aziz hawa ko magar aziz hamein Misal-e-nikhat-e-gul us ka ham-safar rahna Shajar pe phul to aate rahe bahut lekin Samajh mein aa na saka us ka be-samar rahna Ajib tarz-e-takallum hai us ki aankhon ka KHamosh rah ke bhi lafzon ki dhaar par rahna Waraq waraq na sahi umr-e-raegan meri Hawa ke sath magar tum na umr bhar rahna Zara si Thes lagi aur ghar ko oDh liya Kahan gaya wo tumhaara nagar nagar rahna