suno ujdaa makaan ik bad duaa hai

Suno ujDaa makaan ik bad-duaa hai Sadaa andar sadaa andar sadaa hai Khizaan ik gham-zada beemaar aurat Havaa ne chheen lee jis kee ridaa hai Sitaara jal-bujhaa mukhtaar thaa wo Diyaa majboor thaa jaltaa raha hai Sar-e-mizhgaan ubhar aanaa thaa jis ko Kahaan wo mehrbaan taaraa gaya hai Ugee hain chaar soo baaten hee baaten Ajab see har taraf awaaz-e-paa hai Havaa us ko uDaa le jaa kaheen too Ye baadal apne par phailaa raha hai Hai uryaanee to aadat chaandnee kee Andheraa be-sabab sharmaa raha hai Sitaaron aur sharaaron men Thanee hai Mohabbat kee magar ye bhee adaa hai Ye kaisee aankh thee jo ro paDee hai Ye kaisaa khvaab thaa jo bujh gaya hai Havaa ab chal paDee hai teree jaanib Havaa ko baadbaan raas aa gaya hai Jo dil men phaans thee so rah ga.ee hai Yahaan varna sabhee Kuch ho gaya hai Suno ujDa makan ek bad-dua hai Sada andar sada andar sada hai KHizan ek gham-zada bimar aurat Hawa ne chhin li jis ki rida hai Sitara jal-bujha muKHtar tha wo Diya majbur tha jalta raha hai Sar-e-mizhgan ubhar aana tha jis ko Kahan wo mehrban tara gaya hai Ugi hain chaar su baaten hi baaten Ajab si har taraf aawaz-e-pa hai Hawa us ko uDa le ja kahin tu Ye baadal apne par phaila raha hai Hai uryani to aadat chandni ki Andhera be-sabab sharma raha hai Sitaron aur shararon mein Thani hai Mohabbat ki magar ye bhi ada hai Ye kaisi aankh thi jo ro paDi hai Ye kaisa KHwab tha jo bujh gaya hai Hawa ab chal paDi hai teri jaanib Hawa ko baadban ras aa gaya hai Jo dil mein phans thi so rah gai hai Yahan warna sabhi Kuch ho gaya hai