tiraa hi ruup nazar aae jaa ba jaa mujh ko

Tiraa hee ruup nazar aa.e jaa-ba-jaa mujh ko Jo ho sake ye tamaashaa na too dikhaa mujh ko Kabhee to koi falak se utar ke paas aa.e Kabhee to Dasne se baaz aa.e faasla mujh ko Talaash karte ho phoolon men kaise paagal ho UDaa ke le bhee ga.ee sub.h kee havaa mujh ko Kise khabar ki sadaa kis taraf se aa.egee Kahaan se aa ke uThaa.egaa qaafila mujh ko Miraa hee naqsh-e-qadam thaa mire ta.aaqub men Vagarna laakh bulaatee tiree sadaa mujh ko SameTtaa raha khud ko main umr-bhar lekin Bikhertaa raha shabnam kaa silsila mujh ko Ghulee jo raat kee khushboo to saazishee jaage Dahaktee aankhon ne ghere men le liyaa mujh ko Thahar sakee na agar chaandnee to kya gham hai Yahee bahut hai ki too yaad aa gaya mujh ko Tera hi rup nazar aae ja-ba-ja mujh ko Jo ho sake ye tamasha na tu dikha mujh ko Kabhi to koi falak se utar ke pas aae Kabhi to Dasne se baz aae fasla mujh ko Talash karte ho phulon mein kaise pagal ho UDa ke le bhi gai subh ki hawa mujh ko Kise KHabar ki sada kis taraf se aaegi Kahan se aa ke uThaega qafila mujh ko Mera hi naqsh-e-qadam tha mere taaqub mein Wagarna lakh bulati teri sada mujh ko SameTta raha KHud ko main umr-bhar lekin Bikherta raha shabnam ka silsila mujh ko Ghuli jo raat ki KHushbu to sazishi jage Dahakti aankhon ne ghere mein le liya mujh ko Thahar saki na agar chandni to kya gham hai Yahi bahut hai ki tu yaad aa gaya mujh ko