tum jo aate ho
— Wazir Agha
Tum jo aate ho
To Kuch bhee nahin rahtaa maujood
Tum chale jaate ho
Aur bolne lagte hain tamaam
Adh-khile phuul
Samaa.at pe jamee chaap havaa band makaan
Guftugoo karne ke aasan men ruke sab ajsaam
Murda lamhaat kaa ik Dher pahaaD
Abr kee qaash uThee mauj kaa saakit andaam
Barf lab palkon pe Taanke hue motee aansoo
Aur sile kaanon men awaaz kee sooiyaan be-jaan
Yak-ba-yak bolne lagte hain tamaam
Zindagee bunne men ho jaatee hai phir se masroof
Vaqt ho jaataa hai phir khaak-ba-sar be-aaraam
Ek panchi jise Udhte chale jaanaa hai khuda jaane kahaan
Aur main tinkon ke bikhre hue bistar kee tarah
Muntazir lauT ke tum aao kisee roz yahaan
Phir hon ik baar muattal
Ye zameen aur zamaan
Tum jo aate ho
To Kuch bhi nahin rehta maujud
Tum chale jate ho
Aur bolne lagte hain tamam
Adh-khile phul
Samaat pe jami chap hawa band makan
Guftugu karne ke aasan mein ruke sab ajsam
Murda lamhat ka ek Dher pahaD
Abr ki qash uThi mauj ka sakit andam
Barf lab palkon pe Tanke hue moti aansu
Aur sile kanon mein aawaz ki suiyan be-jaan
Yak-ba-yak bolne lagte hain tamam
Zindagi bunne mein ho jati hai phir se masruf
Waqt ho jata hai phir KHak-ba-sar be-aram
Ek panchhi jise Udhte chale jaana hai KHuda jaane kahan
Aur main tinkon ke bikhre hue bistar ki tarah
Muntazir lauT ke tum aao kisi roz yahan
Phir hon ek bar muattal
Ye zamin aur zaman