tumhen khabar bhi na milii aur ham shikasta haal

Tumhen khabar bhee na milee aur ham shikasta-haal Tumhaare qadmon kee aandhee men ho ga.e paamaal Tire badan kee mahak ne sulaa diyaa thaa magar Havaa kaa andhaa musaafir chalaa anokhee chaal Vo ek nuur kaa sailaab thaa ki usee kaa safar Vo ek nuqta-e-mauhoom thaa ki ye bad-haal Ajiib rang men vaarid huee khizaan ab ke Damakte honT sulagtee nazar dahakte gaal Tire karam kee to har soo mahaktee barkhaa thee Hameen the jin ko huaa bheegaa pairahan bhee vabaal Tumhein KHabar bhi na mili aur hum shikasta-haal Tumhaare qadmon ki aandhi mein ho gae pamal Tere badan ki mahak ne sula diya tha magar Hawa ka andha musafir chala anokhi chaal Wo ek nur ka sailab tha ki usi ka safar Wo ek nuqta-e-mauhum tha ki ye bad-haal Ajib rang mein warid hui KHizan ab ke Damakte honT sulagti nazar dahakte gal Tere karam ki to har su mahakti barkha thi Hamin the jin ko hua bhiga pairahan bhi wabaal