udii jo gard to is khaak daan ko pahchaanaa

UDee jo gard to is khaak-daan ko pahchaanaa Aur us ke ba.ad dil-e-be-nishaan ko pahchaanaa Jalaa jo rizq to ham aasmaan ko jaan ga.e Lagee jo pyaas to tiir o kamaan ko pahchaanaa Chalo ye aankh kaa jal-thal to tum ne dekh liyaa Magar ye kya ki na abr-e-ravaan ko pahchaanaa Bahaar aa.ee to har-soo thiin katranen us kee Bahaar aa.ee to ham ne khizaan ko pahchaanaa Khud apne gham hee se kee pahle dostee ham ne Aur us ke ba.ad gham-e-dostaan ko pahchaanaa Safar taveel sahee haasil-e-safar ye hai Vahaan ko bhuul ga.e aur yahaan ko pahchaanaa Zameen se haath chhuDaayaa to faasle jaage Magar na ham ne karaan-taa-karaan ko pahchaanaa Ajab tarah se guzaaree hai zindagee ham ne Jahaan men rah ke na kaar-e-jahaan ko pahchaanaa UDi jo gard to is KHak-dan ko pahchana Aur us ke baad dil-e-be-nishan ko pahchana Jala jo rizq to hum aasman ko jaan gae Lagi jo pyas to tir o kaman ko pahchana Chalo ye aankh ka jal-thal to tum ne dekh liya Magar ye kya ki na abr-e-rawan ko pahchana Bahaar aai to har-su thin katranen us ki Bahaar aai to hum ne KHizan ko pahchana KHud apne gham hi se ki pahle dosti hum ne Aur us ke baad gham-e-dostan ko pahchana Safar tawil sahi hasil-e-safar ye hai Wahan ko bhul gae aur yahan ko pahchana Zamin se hath chhuDaya to fasle jage Magar na hum ne karan-ta-karan ko pahchana Ajab tarah se guzari hai zindagi hum ne Jahan mein rah ke na kar-e-jahan ko pahchana