wo din gae ki chhup ke sar e baam aaenge

Wo din ga.e ki chhup ke sar-e-baam aa.enge Aanaa huaa to ab wo sar-e-aam aa.enge Sochaa na thaa ki abr-e-siyah-posh se kabhi Kaunde tere badan ke mire naam aa.enge Us nakhl-e-naa-muraad se jo paat jhaD ga.e Andhee khunuk havaaon ke ab kaam aa.enge Aansoo sitaare os ke daane safed phuul Sab mere gham-gusaar sar-e-shaam aa.enge Rakh too inhen bachaa ke kisee aur ke liye Ye qaul ye qaraar tire kaam aa.enge LauTe agar safar se kabhi ham to Dar nahin Soorat badal ke aa.enge be-naam aa.enge Wo din gae ki chhup ke sar-e-baam aaenge Aana hua to ab wo sar-e-am aaenge Socha na tha ki abr-e-siyah-posh se kabhi Kaunde tere badan ke mere nam aaenge Us naKHl-e-na-murad se jo pat jhaD gae Andhi KHunuk hawaon ke ab kaam aaenge Aansu sitare os ke dane safed phul Sab mere gham-gusar sar-e-sham aaenge Rakh tu inhen bacha ke kisi aur ke liye Ye qaul ye qarar tere kaam aaenge LauTe agar safar se kabhi hum to Dar nahin Surat badal ke aaenge be-nam aaenge