zehn e rasaa ki girhen magar kholne lage

Zehn-e-rasaa kee girhen magar kholne lage Phir yuun huaa ki log hamen taulne lage Aahista baat kar ki havaa tez hai bahut Aisaa na ho ki sara nagar bolne lage Umr-e-ravaan ko paar kiyaa tum ne aur ham Rassee ke pul pe paanv rakhaa Dolne lage Dastak havaa hee de ki ye bandish tamaam ho Suune gharon men koi to ras gholne lage Main ban gaya guhar to miraa is men dosh kya Be-vaj.h mujh ko khaak men tum rolne lage Zehn-e-rasa ki girhen magar kholne lage Phir yun hua ki log hamein taulne lage Aahista baat kar ki hawa tez hai bahut Aisa na ho ki sara nagar bolne lage Umr-e-rawan ko par kiya tum ne aur hum Rassi ke pul pe panw rakha Dolne lage Dastak hawa hi de ki ye bandish tamam ho Sune gharon mein koi to ras gholne lage Main ban gaya guhar to mera is mein dosh kya Be-wajh mujh ko KHak mein tum rolne lage