aag kaa rishta nikal aae koi paanii ke saath

Aag kaa rishta nikal aa.e koi paanee ke saath Zinda rah saktaa hoon aisi hee khush-imkaanee ke saath Tum hee batlaao ki us kee qadr kya hogee tumhen Jo mohabbat muft men mil jaa.e aasaanee ke saath Baat hai Kuch zinda rah jaanaa bhee apna aaj tak Lahar thee aasoodgee kee bhee pareshaanee ke saath Chal raha hai kaam sara khuub mil-jul kar yahaan Kufr bhee chimTaa huaa hai jazb-e-eemaanee ke saath Farq paDtaa hai koi logon men rehne se zaroor Shahr ke aadaab the apnee bayaabaanee ke saath Ye wo Dunya hai ki jis kaa Kuch Thikaanaa hee nahin Ham guzaara kar rahe hain dushman-e-jaanee ke saath Raa.egaanee se zaraa aage nikal aa.e hain ham Is dafa to Kuch giraanee bhee hai arzaanee ke saath Apnee marzee se bhee ham ne kaam kar Daale hain Kuch Lafz ko laDvaa diyaa hai beshtar ma.anee ke saath Faaslon hee faaslon men jaan se haaraa 'zafar' Ishq thaa laahoriye ko ek multaanee ke saath Aag ka rishta nikal aae koi pani ke sath Zinda rah sakta hun aisi hi KHush-imkani ke sath Tum hi batlao ki us ki qadr kya hogi tumhein Jo mohabbat muft mein mil jae aasani ke sath Baat hai Kuch zinda rah jaana bhi apna aaj tak Lahar thi aasudgi ki bhi pareshani ke sath Chal raha hai kaam sara KHub mil-jul kar yahan Kufr bhi chimTa hua hai jazb-e-imani ke sath Farq paDta hai koi logon mein rehne se zarur Shahr ke aadab the apni bayabani ke sath Ye wo duniya hai ki jis ka Kuch Thikana hi nahin Hum guzara kar rahe hain dushman-e-jaani ke sath Raegani se zara aage nikal aae hain hum Is dafa to Kuch girani bhi hai arzani ke sath Apni marzi se bhi hum ne kaam kar Dale hain Kuch Lafz ko laDwa diya hai beshtar mani ke sath Faslon hi faslon mein jaan se haara 'zafar' Ishq tha lahoriye ko ek multani ke sath