Abhi to karnaa padegaa safar dobaara mujhe

Abhee to karnaa paDegaa safar dobaara mujhe Abhee karen nahin aaraam kaa ishaara mujhe Lahoo men aa.egaa toofaan-e-tund raat-ba-raat Karegee mauj-e-balaa-khez paara-paara mujhe Bujhaa nahin mire andar kaa aaftaab abhee Jalaa ke khaak karegaa yahee sharaara mujhe Utaar phenktaa main bhee ye taar-taar badan Aseer-e-khaak hoon karnaa paDaa guzaara mujhe UDe wo gard ki main chaar-soo bikhar jaaon Ghubaar men nazar aa.e na koi chaara mujhe Mire hudood men hai mere aas-paas kee dhund Rahaa ye shahr to is kaa nahin ijaara mujhe Sahar huee to bahut der tak dikhaa.ee diyaa Ghuroob hotee huee raat kaa kinaara mujhe Miree fazaa men hai tarteeb-e-kaa.enaat Kuch aur Ajab nahin jo tiraa chaand hai sitaara mujhe Na chhoo sakoon jise kya us kaa dekhnaa bhee 'zafar' Bhalaa lagaa na kabhi duur kaa nazaara mujhe Abhi to karna paDega safar dobara mujhe Abhi karen nahin aaram ka ishaara mujhe Lahu mein aaega tufan-e-tund raat-ba-raat Karegi mauj-e-bala-KHez para-para mujhe Bujha nahin mere andar ka aaftab abhi Jala ke KHak karega yahi sharara mujhe Utar phenkta main bhi ye tar-tar badan Asir-e-KHak hun karna paDa guzara mujhe UDe wo gard ki main chaar-su bikhar jaun Ghubar mein nazar aae na koi chaara mujhe Mere hudud mein hai mere aas-pas ki dhund Raha ye shahr to is ka nahin ijara mujhe Sahar hui to bahut der tak dikhai diya Ghurub hoti hui raat ka kinara mujhe Meri faza mein hai tartib-e-kaenat Kuch aur Ajab nahin jo tera chand hai sitara mujhe Na chhu sakun jise kya us ka dekhna bhi 'zafar' Bhala laga na kabhi dur ka nazara mujhe