agar is khel men ab wo bhi shaamil hone vaalaa hai

Agar is khel men ab wo bhee shaamil hone vaalaa hai To apna kaam pahle se bhee mushkil hone vaalaa hai Havaa shaakhon men rukne aur ulajhne ko hai is lamhe Guzarte baadalon men chaand haa.il hone vaalaa hai Asar ab aur kya honaa thaa us jaan-e-taghaaful par Jo pahle besh o kam thaa wo bhee zaa.il hone vaalaa hai Ziyaada naaz ab kya keejiye josh-e-javaanee par Ki ye toofaan bhee rafta rafta saahil hone vaalaa hai Hameen se koi koshish ho na paa.ee kaargar varna Har ik naaqis yahaan kaa peer-e-kaamil hone vaalaa hai Haqeeqat men bahut Kuch khone vaale hain ye saada-dil Jo ye samjhe hue hain un ko haasil hone vaalaa hai Hamaare haal-maston ko khabar hone se pahle hee Yahaan par aur hee Kuch rang-e-mahfil hone vaalaa hai Chalo is marhale par hee koi tadbeer kar dekho Vagarna shahr men paanee to daakhil hone vaalaa hai 'zafar' Kuch aur hee ab sho.abada dikhlaa.iye varna Ye daavaa-e-sukhan-daanee to baatil hone vaalaa hai Agar is khel mein ab wo bhi shamil hone wala hai To apna kaam pahle se bhi mushkil hone wala hai Hawa shaKHon mein rukne aur ulajhne ko hai is lamhe Guzarte baadalon mein chand hail hone wala hai Asar ab aur kya hona tha us jaan-e-taghaful par Jo pahle besh o kam tha wo bhi zail hone wala hai Ziyaada naz ab kya kijiye josh-e-jawani par Ki ye tufan bhi rafta rafta sahil hone wala hai Hamin se koi koshish ho na pai kargar warna Har ek naqis yahan ka pir-e-kaamil hone wala hai Haqiqat mein bahut Kuch khone wale hain ye sada-dil Jo ye samjhe hue hain un ko hasil hone wala hai Hamare haal-maston ko KHabar hone se pahle hi Yahan par aur hi Kuch rang-e-mahfil hone wala hai Chalo is marhale par hi koi tadbir kar dekho Wagarna shahr mein pani to daKHil hone wala hai 'zafar' Kuch aur hi ab shoabada dikhlaiye warna Ye dawa-e-suKHan-dani to baatil hone wala hai