ba zaahir sehat Acchi hai jo biimaarii ziyaada hai

Ba-zaahir sehat achchhee hai jo beemaaree ziyaada hai Isee khaatir buDhaape men havas-kaaree ziyaada hai Chale gaa kis tarah se kaarobaar-e-shauq is soorat Rasad Kuch bhee nahin hai aur talabgaaree ziyaada hai Mohabbat kaam hai jis tarah kaa bas dekhte jaao Rukaa rahtaa bhee hai aksar magar jaaree ziyaada hai Hamen khud bhee yaqeen aataa nahin is kaa jo ye ham par Giraan-baaree kee nisbat se subuk-saaree ziyaada hai Suraagh is kaa kaheen andar to Kuch miltaa nahin be-shak Ye haalat wo hai jo ham par abhee taaree ziyaada hai UThaa sakte nahin jab chuum kar hee chhoDnaa achchhaa Mohabbat kaa ye patthar is daf.a bhaaree ziyaada hai Hifaazat hee hamaaraa mas.ala thaa roz-e-avval se So apne ird-gird ab chaar-deevaaree ziyaada hai Imaarat ye mukammal hone vaalee hee nahin lagtee Ki is ta.ameer men Kuch rang-e-mismaaree ziyaada hai Zarooree ho to kar denge 'zafar' tardeed bhee jaaree Bayaan-e-ishq apna ab ke akhbaaree ziyaada hai Ba-zahir sehat achchhi hai jo bimari ziyaada hai Isi KHatir buDhape mein hawas-kari ziyaada hai Chale ga kis tarah se karobar-e-shauq is surat Rasad Kuch bhi nahin hai aur talabgari ziyaada hai Mohabbat kaam hai jis tarah ka bas dekhte jao Ruka rehta bhi hai aksar magar jari ziyaada hai Hamein KHud bhi yaqin aata nahin is ka jo ye hum par Giran-bari ki nisbat se subuk-sari ziyaada hai Suragh is ka kahin andar to Kuch milta nahin be-shak Ye haalat wo hai jo hum par abhi tari ziyaada hai UTha sakte nahin jab chum kar hi chhoDna achchha Mohabbat ka ye patthar is dafa bhaari ziyaada hai Hifazat hi hamara masala tha roz-e-awwal se So apne ird-gird ab chaar-diwari ziyaada hai Imarat ye mukammal hone wali hi nahin lagti Ki is tamir mein Kuch rang-e-mismari ziyaada hai Zaruri ho to kar denge 'zafar' tardid bhi jari Bayan-e-ishq apna ab ke aKHbari ziyaada hai