bahut suljhii huii baaton ko bhi uljhaae rakhte hain

Bahut suljhee huee baaton ko bhee uljhaa.e rakhte hain Jo hai kaam aaj kaa kal tak use laTkaa.e rakhte hain Taghaaful saa ravaa rakhte hain us ke saamne kya kya Magar andar hee andar tab.a ko lalchaa.e rakhte hain Hamaaree justujoo se door-tar hai manzil-e-ma.anee Usee ko kho.e rakhnaa hai jise ham paa.e rakhte hain Hamaaree aarzoo apnee samajh men bhee nahin aatee Pajaama is tarah kaa hai jise ulTaa.e rakhte hain Havaa.en bhuul kar bhee is taraf kaa rukh nahin karteen So ye shaakh-e-tamaashaa aap hee tharraa.e rakhte hain Isee kee raushnee hai aur isee men bhasm honaa hai Ye shola shaam kaa jo raat bhar bhaDkaa.e rakhte hain Ham itnee raushnee men dekh bhee sakte nahin us ko So apne aap hee is chaand ko gahnaa.e rakhte hain Nasheb-e-shaa.iree men hai hamaaree zaat se raunaq Yahee patthar hai jis ko raat din luDhkaa.e rakhte hain Ye ghar jis kaa hai us ne vaapas aanaa hai 'zafar' is men Isee khaatir dar-o-deevaar ko mahkaa.e rakhte hain Bahut suljhi hui baaton ko bhi uljhae rakhte hain Jo hai kaam aaj ka kal tak use laTkae rakhte hain Taghaful sa rawa rakhte hain us ke samne kya kya Magar andar hi andar taba ko lalchae rakhte hain Hamari justuju se dur-tar hai manzil-e-mani Usi ko khoe rakhna hai jise hum pae rakhte hain Hamari aarzu apni samajh mein bhi nahin aati Pajama is tarah ka hai jise ulTae rakhte hain Hawaen bhul kar bhi is taraf ka ruKH nahin kartin So ye shaKH-e-tamasha aap hi tharrae rakhte hain Isi ki raushni hai aur isi mein bhasm hona hai Ye shola sham ka jo raat bhar bhaDkae rakhte hain Hum itni raushni mein dekh bhi sakte nahin us ko So apne aap hi is chand ko gahnae rakhte hain Nasheb-e-shairi mein hai hamari zat se raunaq Yahi patthar hai jis ko raat din luDhkae rakhte hain Ye ghar jis ka hai us ne wapas aana hai 'zafar' is mein Isi KHatir dar-o-diwar ko mahkae rakhte hain