bas ek baar kisi ne gale lagaayaa thaa

Bas ek baar kisee ne gale lagaayaa thaa Phir us ke baa'd na main thaa na meraa saayaa thaa Galee men log bhee the mere us ke dushman log Vo sab pe hanstaa huaa mere dil men aayaa thaa Us ek dasht men sau shahr ho ga.e aabaad Jahaan kisee ne kabhi kaarvaan luTaayaa thaa Vo mujh se apna pataa poochhne ko aa nikle Ki jin se main ne khud apna suraagh paayaa thaa Mire vajood se gulzaar ho ke niklee hai Vo aag jis ne tiraa pairahan jalaayaa thaa Mujhee ko taana-e-ghaarat-garee na de pyaare Ye naqsh main ne tire haath se miTaayaa thaa Usee ne ruup badal kar jagaa diyaa aakhir Jo zahr mujh pe kabhi niind ban ke chhaayaa thaa 'zafar' kee khaak men hai kis kee hasrat-e-taameer Khayaal-o-khvaab men kis ne ye ghar banaayaa thaa Bas ek bar kisi ne gale lagaya tha Phir us ke ba'd na main tha na mera saya tha Gali mein log bhi the mere us ke dushman log Wo sab pe hansta hua mere dil mein aaya tha Us ek dasht mein sau shahr ho gae aabaad Jahan kisi ne kabhi karwan luTaya tha Wo mujh se apna pata puchhne ko aa nikle Ki jin se main ne KHud apna suragh paya tha Mere wajud se gulzar ho ke nikli hai Wo aag jis ne tera pairahan jalaya tha Mujhi ko tana-e-ghaarat-gari na de pyare Ye naqsh main ne tere hath se miTaya tha Usi ne rup badal kar jaga diya aaKHir Jo zahr mujh pe kabhi nind ban ke chhaya tha 'zafar' ki KHak mein hai kis ki hasrat-e-tamir KHayal-o-KHwab mein kis ne ye ghar banaya tha