bevafaaii karke nikluun yaa wafa kar jaauungaa
— Zafar Iqbal
Bevafaa.ee karke nikloon yaa wafa kar jaa.oongaa
Shahr ko har zaa.iqe se aashnaa kar jaa.oongaa
Too bhee DhoonDegaa mujhe shauq-e-sazaa men ek din
Main bhee koi khoob-soorat see khataa kar jaa.oongaa
Mujh se achchhaa.ee bhee na kar meree marzee ke khilaaf
Varna main bhee haath koi doosraa kar jaa.oongaa
Mujh men hain gahree udaasee ke jaraaseem is qadar
Main tujhe bhee is maraz men mubtalaa kar jaa.oongaa
Shor hai is ghar ke aangan men 'zafar' Kuch roz aur
Gumbad-e-dil ko kisee din be-sadaa kar jaa.oongaa
Bewafai karke niklun ya wafa kar jaunga
Shahr ko har zaiqe se aashna kar jaunga
Tu bhi DhunDega mujhe shauq-e-saza mein ek din
Main bhi koi KHub-surat si KHata kar jaunga
Mujh se achchhai bhi na kar meri marzi ke KHilaf
Warna main bhi hath koi dusra kar jaunga
Mujh mein hain gahri udasi ke jarasim is qadar
Main tujhe bhi is maraz mein mubtala kar jaunga
Shor hai is ghar ke aangan mein 'zafar' Kuch roz aur
Gumbad-e-dil ko kisi din be-sada kar jaunga