bhuul baithaa tha magar yaad bhi khud main ne kiyaa

Bhuul baiThaa tha magar yaad bhee khud main ne kiyaa Vo mohabbat jise barbaad bhee khud main ne kiyaa Noch kar phenk diye aap hee khvaab aankhon se Is dabee shaad ko naashaad bhee khud main ne kiyaa Jaal phailaa.e the jis ke liye chaaron jaanib Us giraftaar ko aazaad bhee khud main ne kiyaa Kaam teraa tha magar maare muravvat ke use Tujh se pahle bhee tire ba.ad bhee khud main ne kiyaa Shahr men kyuun miree pahchaan hee baaqee na rahi Is kharaabe ko to aabaad bhee khud main ne kiyaa Har nayaa zaa.iqa chhoDaa hai jo auron ke liye Pahle apne liye eejaad bhee khud main ne kiyaa Inkisaaree men miraa hukm bhee jaaree tha 'zafar' Arz karte hue irshaad bhee khud main ne kiyaa Bhul baiTha tha magar yaad bhi KHud main ne kiya Wo mohabbat jise barbaad bhi KHud main ne kiya Noch kar phenk diye aap hi KHwab aankhon se Is dabi shad ko nashad bhi KHud main ne kiya Jal phailae the jis ke liye chaaron jaanib Us giraftar ko aazad bhi KHud main ne kiya Kaam tera tha magar mare murawwat ke use Tujh se pahle bhi tere baad bhi KHud main ne kiya Shahr mein kyun meri pahchan hi baqi na rahi Is KHarabe ko to aabaad bhi KHud main ne kiya Har naya zaiqa chhoDa hai jo auron ke liye Pahle apne liye ijad bhi KHud main ne kiya Inkisari mein mera hukm bhi jari tha 'zafar' Arz karte hue irshad bhi KHud main ne kiya