bijlii girii hai kal kisi ujde makaan par

Bijlee giree hai kal kisee ujDe makaan par Rone lagoon ki hans paDoon is daastaan par Vo qahr thaa ki raat kaa patthar pighal paDaa Kyaa aatisheen gulaab khilaa aasmaan par Ik naqsh saa nikhartaa rahegaa nigaah men Ik harf saa laraztaa rahegaa zabaan par Apne liye hee aankh kaa parda hoon raat din Main varna aashkaar hoon saare jahaan par Sher aa ke chiir phaaD gaya mujh ko khvaab men Dam-bhar ko meree aankh lagee thee machaan par Pyaasee hai ruuh jism sharaabor hai to kya Be-kaar menh barastaa raha saa.ebaan par Piilee havaa men Khoon kaa zarra uDaa hee thaa Paagal huaa ye shahr zaraa se nishaan par Khaalee paDee hain bed kee beemaar kursiyaan Khoon-khvaab dhoop-dhund barastee hai lawn par Kis taaza maa'rke pe gaya aaj phir 'zafar' Talvaar taaq men hai na ghoDaa hai thaan par Bijli giri hai kal kisi ujDe makan par Rone lagun ki hans paDun is dastan par Wo qahr tha ki raat ka patthar pighal paDa Kya aatishin gulab khila aasman par Ek naqsh sa nikharta rahega nigah mein Ek harf sa larazta rahega zaban par Apne liye hi aankh ka parda hun raat din Main warna aashkar hun sare jahan par Sher aa ke chir phaD gaya mujh ko KHwab mein Dam-bhar ko meri aankh lagi thi machan par Pyasi hai ruh jism sharabor hai to kya Be-kar meinh barasta raha saeban par Pili hawa mein KHun ka zarra uDa hi tha Pagal hua ye shahr zara se nishan par KHali paDi hain bed ki bimar kursiyan KHun-KHwab dhup-dhund barasti hai lawn par Kis taza ma'rke pe gaya aaj phir 'zafar' Talwar taq mein hai na ghoDa hai than par