chalo itnii to aasaanii rahegii

Chalo itnee to aasaanee rahegee Milenge aur pareshaanee rahegee Isee se raunaq-e-Dariya-e-dil hai Yahee ik lahar toofaanee rahegee Kabhee ye shauq naa-maanoos hogaa Kabhee wo shakl anjaanee rahegee Nikal jaa.egee soorat aa.ine se Hamaare ghar men hairaanee rahegee Subuk-sar ho ke jiinaa hai koi din Abhee Kuch din giraan-jaanee rahegee Sunoge lafz men bhee phaDphaDaahaT Lahoo men bhee par-afshaanee rahegee Hamaaree garm-guftaaree ke baa-vasf Havaa itnee hee barfaanee rahegee Abhee dil kee siyaahi zor par hai Abhee chehre pe taabaanee rahegee 'zafar' main shahr men aa to gaya hoon Miree khaslat bayaabaanee rahegee Chalo itni to aasani rahegi Milenge aur pareshani rahegi Isi se raunaq-e-dariya-e-dil hai Yahi ek lahar tufani rahegi Kabhi ye shauq na-manus hoga Kabhi wo shakl anjaani rahegi Nikal jaegi surat aaine se Hamare ghar mein hairani rahegi Subuk-sar ho ke jina hai koi din Abhi Kuch din giran-jaani rahegi Sunoge lafz mein bhi phaDphaDahaT Lahu mein bhi par-afshani rahegi Hamari garm-guftari ke ba-wasf Hawa itni hi barfani rahegi Abhi dil ki siyahi zor par hai Abhi chehre pe tabani rahegi 'zafar' main shahr mein aa to gaya hun Meri KHaslat bayabani rahegi