chhupaa huaa jo numuudaar se nikal aayaa

Chhupaa huaa jo numoodaar se nikal aayaa Ye farq bhee tire inkaar se nikal aayaa PalaT paDaa jo main sar phoD kar mohabbat men To raasta isee deevaar se nikal aayaa Mujhe khareednaa Kuch bhee na thaa isee khaatir Main khud ko bech ke baazaar se nikal aayaa Abhee to apne khanDar hee kee sair thee baaqee Ye too kahaan mire aasaar se nikal aayaa Bahut se aur tilismaat muntazir hain mire Agar kabhi tire asraar se nikal aayaa Mujhe bhee de rahe the khil.at-e-wafa lekin Nazar bachaa ke main darbaar se nikal aayaa Sire se jo kaheen maujood hee na thaa aakhir Vo naqs bhee mire kirdaar se nikal aayaa Na.ee fazaa na.e aafaaq hain usee ke liye Jo aaj uDtee huee Daar se nikal aayaa Usee ko ek ghaneemat qaraar doongaa 'zafar' Jo ek sher bhee toomaar se nikal aayaa Chhupa hua jo numudar se nikal aaya Ye farq bhi tere inkar se nikal aaya PalaT paDa jo main sar phoD kar mohabbat mein To rasta isi diwar se nikal aaya Mujhe KHaridna Kuch bhi na tha isi KHatir Main KHud ko bech ke bazar se nikal aaya Abhi to apne khanDar hi ki sair thi baqi Ye tu kahan mere aasar se nikal aaya Bahut se aur tilismat muntazir hain mere Agar kabhi tere asrar se nikal aaya Mujhe bhi de rahe the KHilat-e-wafa lekin Nazar bacha ke main darbar se nikal aaya Sire se jo kahin maujud hi na tha aaKHir Wo naqs bhi mere kirdar se nikal aaya Nai faza nae aafaq hain usi ke liye Jo aaj uDti hui Dar se nikal aaya Usi ko ek ghanimat qarar dunga 'zafar' Jo ek sher bhi tumar se nikal aaya