hamen bhi matlab o maanii ki justujuu hai bahut

Hamen bhee matlab-o-ma.anee kee justujoo hai bahut Hareef-e-harf magar ab ke doo-ba-doo hai bahut Vaqaar ghar kee tavaazo hee par nahin mauqoof Ba-faiz-e-shaa.iree baahar bhee aabroo hai bahut PhaTe puraane dilon kee khabar nahin letaa Agarche jaantaa hai haajat-e-rafoo hai bahut Badan kaa sara lahoo khinch ke aa gaya rukh par Vo ek bosa hamen de ke surkh-roo hai bahut Idhar udhar yuun hee munh maarte bhee hain lekin Ye maante bhee hain dil se ki ham ko too hai bahut Ab us kee diid mohabbat nahin zaroorat hai Ki us se mil ke bichhaDne kee aarzoo hai bahut Yahee hai be-sar-o-paa baat kahne kaa mauqa.a Pataa chalegaa kise shor chaar-soo hai bahut Ye haal hai to badan ko bachaa.iye kab tak Sadaa men dhoop bahut hai lahoo men loo hai bahut Yahee hai fikr kaheen maan hee na jaa.en 'zafar' Hamaare mojaza-e-fan pe guftugoo hai bahut Hamein bhi matlab-o-mani ki justuju hai bahut Harif-e-harf magar ab ke du-ba-du hai bahut Waqar ghar ki tawazo hi par nahin mauquf Ba-faiz-e-shairi bahar bhi aabru hai bahut PhaTe purane dilon ki KHabar nahin leta Agarche jaanta hai hajat-e-rafu hai bahut Badan ka sara lahu khinch ke aa gaya ruKH par Wo ek bosa hamein de ke surKH-ru hai bahut Idhar udhar yun hi munh marte bhi hain lekin Ye mante bhi hain dil se ki hum ko tu hai bahut Ab us ki did mohabbat nahin zarurat hai Ki us se mil ke bichhaDne ki aarzu hai bahut Yahi hai be-sar-o-pa baat kahne ka mauqa Pata chalega kise shor chaar-su hai bahut Ye haal hai to badan ko bachaiye kab tak Sada mein dhup bahut hai lahu mein lu hai bahut Yahi hai fikr kahin man hi na jaen 'zafar' Hamare mojaza-e-fan pe guftugu hai bahut