ilzaam ek ye bhi uthaa lenaa chaahiye

Ilzaam ek ye bhee uThaa lenaa chaahiye Is shahr-e-be-amaan ko bachaa lenaa chaahiye Ye zindagee kee aakhiree shab hee na ho kaheen Jo so ga.e hain un ko jagaa lenaa chaahiye Vo kis taraf chalaa hai lagaa.e koi suraagh Main kis taraf ravaan hoon pataa lenaa chaahiye Yaanee qimaar-e-ishq men kya Kuch hai daav par Is raaz-e-vaa-shagaaf ko paa lenaa chaahiye Kaisaa hai kaun ye to nazar aa sake kaheen Parda ye darmiyaan se haTaa lenaa chaahiye Dil par jo yaadgaar rahe us ke makr kee Aisaa bhee koi naqsh banaa lenaa chaahiye Is tarah bhee chalaa hai kabhi kaarobaar-e-shauq RooThe koi to us ko manaa lenaa chaahiye Keejiye na kyuun mutaalba-e-vasl ai 'zafar' Kee hai wafa to is kaa sila lenaa chaahiye Ilzam ek ye bhi uTha lena chahiye Is shahr-e-be-aman ko bacha lena chahiye Ye zindagi ki aaKHiri shab hi na ho kahin Jo so gae hain un ko jaga lena chahiye Wo kis taraf chala hai lagae koi suragh Main kis taraf rawan hun pata lena chahiye Yani qimar-e-ishq mein kya Kuch hai daw par Is raaz-e-wa-shagaf ko pa lena chahiye Kaisa hai kaun ye to nazar aa sake kahin Parda ye darmiyan se haTa lena chahiye Dil par jo yaadgar rahe us ke makr ki Aisa bhi koi naqsh bana lena chahiye Is tarah bhi chala hai kabhi karobar-e-shauq RuThe koi to us ko mana lena chahiye Kijiye na kyun mutalba-e-wasl ai 'zafar' Ki hai wafa to is ka sila lena chahiye