jo banda e khuda thaa khuda hone vaalaa hai

Jo banda-e-khuda thaa khuda hone vaalaa hai Kyaa Kuch abhee to jalva-numaa hone vaalaa hai Ye bhee durust hai ki payambar nahin hoon main Hai ye bhee sach ki meraa kahaa hone vaalaa hai Kuchh ashk-e-khoon bachaa ke bhee rakhiye ki shahr men Jo ho chukaa hai us se sivaa hone vaalaa hai Vo vaqt hai ki khalq pe har zulm-e-naa-ravaa Allaah kaa naam le ke ravaa hone vaalaa hai Ik khauf hai ki hone hee vaalaa hai jaa-guzeen Ik khvaab hai ki sab se judaa hone vaalaa hai Rang-e-havaa men hai ajab asraar saa koi Koee bhee jaantaa nahin kya hone vaalaa hai Khush thaa siyaah-khaana-e-dil men bahut lahoo Is qaid se magar ye rihaa hone vaalaa hai Ye tiir aakhiree hai bas us kee kamaan men Aur wo bhee dekh lenaa khataa hone vaalaa hai Ik lahar hai ki mujh men uchhalne ko hai 'zafar' Ik lafz hai ki mujh se adaa hone vaalaa hai Jo banda-e-KHuda tha KHuda hone wala hai Kya Kuch abhi to jalwa-numa hone wala hai Ye bhi durust hai ki payambar nahin hun main Hai ye bhi sach ki mera kaha hone wala hai Kuchh ashk-e-KHun bacha ke bhi rakhiye ki shahr mein Jo ho chuka hai us se siwa hone wala hai Wo waqt hai ki KHalq pe har zulm-e-na-rawa Allah ka nam le ke rawa hone wala hai Ek KHauf hai ki hone hi wala hai ja-guzin Ek KHwab hai ki sab se juda hone wala hai Rang-e-hawa mein hai ajab asrar sa koi Koi bhi jaanta nahin kya hone wala hai KHush tha siyah-KHana-e-dil mein bahut lahu Is qaid se magar ye riha hone wala hai Ye tir aaKHiri hai bas us ki kaman mein Aur wo bhi dekh lena KHata hone wala hai Ek lahar hai ki mujh mein uchhalne ko hai 'zafar' Ek lafz hai ki mujh se ada hone wala hai