kab wo zaahir hogaa aur hairaan kar degaa mujhe

Kab wo zaahir hogaa aur hairaan kar degaa mujhe Jitnee bhee mushkil men hoon aasaan kar degaa mujhe Roo-ba-roo kar ke kabhi apne mahakte surkh honT Ek do pal ke liye gul-daan kar degaa mujhe Ruuh phoonkegaa mohabbat kee mire paikar men wo Phir wo apne saamne be-jaan kar degaa mujhe Khvaahishon kaa Khoon bahaa.egaa sar-e-baazaar-e-shauq Aur mukammal be-sar-o-saamaan kar degaa mujhe Munhadim kar degaa aa kar saaree taameeraat-e-dil Dekhte hee dekhte veeraan kar degaa mujhe Ek naa-maujoodgee rah jaa.egee chaaron taraf Rafta rafta is qadar sunsaan kar degaa mujhe Yaa to mujh se wo chhuDaa degaa ghazal-goee 'zafar' Yaa kisee din saahib-e-deevaan kar degaa mujhe Kab wo zahir hoga aur hairan kar dega mujhe Jitni bhi mushkil mein hun aasan kar dega mujhe Ru-ba-ru kar ke kabhi apne mahakte surKH honT Ek do pal ke liye gul-dan kar dega mujhe Ruh phunkega mohabbat ki mere paikar mein wo Phir wo apne samne be-jaan kar dega mujhe KHwahishon ka KHun bahaega sar-e-bazar-e-shauq Aur mukammal be-sar-o-saman kar dega mujhe Munhadim kar dega aa kar sari tamiraat-e-dil Dekhte hi dekhte viran kar dega mujhe Ek na-maujudgi rah jaegi chaaron taraf Rafta rafta is qadar sunsan kar dega mujhe Ya to mujh se wo chhuDa dega ghazal-goi 'zafar' Ya kisi din sahib-e-diwan kar dega mujhe