kabhi avval nazar aanaa kabhi aakhir honaa

Kabhi avval nazar aanaa kabhi aakhir honaa Aur vaqfon se miraa ghaa.eb o haazir honaa Main kisee aur zamaane ke liye hoon shaayad Is zamaane men hai mushkil miraa zaahir honaa Main na hone pe hee khush thaa magar aise huaa phir Mujh ko naa-chaar paDaa aap kee khaatir honaa Duur ho jaaon bhee is baagh-e-badan se lekin Kaheen mumkin hee nahin aise manaazir honaa Vaaqa.ee tum ko dikhaa.ee hee nahin deta hoon Yaa zaroorat hai tumhaaree miraa munkir honaa Raasta aap banaanaa hee koi sahl nahin Phir usee raaste kaa aap musaafir honaa Vo maqaamaat-e-muqaddas wo tire gumbad o qaus Aur miraa aise nishaanaat kaa zaa.er honaa Baadalon aur havaaon men uDaa phirtaa main Kaash hota miree taqdeer men taa.ir honaa Kaam niklaa hai Kuch utnaa hee ye pecheeda 'zafar' Jitnaa aasaan nazar aayaa mujhe shaa.er honaa Kabhi awwal nazar aana kabhi aaKHir hona Aur waqfon se mera ghaeb o hazir hona Main kisi aur zamane ke liye hun shayad Is zamane mein hai mushkil mera zahir hona Main na hone pe hi KHush tha magar aise hua phir Mujh ko na-chaar paDa aap ki KHatir hona Dur ho jaun bhi is bagh-e-badan se lekin Kahin mumkin hi nahin aise manazir hona Waqai tum ko dikhai hi nahin deta hun Ya zarurat hai tumhaari mera munkir hona Rasta aap banana hi koi sahl nahin Phir usi raste ka aap musafir hona Wo maqamat-e-muqaddas wo tere gumbad o qaus Aur mera aise nishanat ka zaer hona Baadalon aur hawaon mein uDa phirta main Kash hota meri taqdir mein tair hona Kaam nikla hai Kuch utna hi ye pechida 'zafar' Jitna aasan nazar aaya mujhe shaer hona