khidkiyaan kis tarah ki hain aur dar kaisaa hai wo

KhiDkiyaan kis tarah kee hain aur dar kaisaa hai wo Sochtaa hoon jis men wo rahtaa hai ghar kaisaa hai wo Kaisee wo aab-o-havaa hai jis men wo letaa hai saans Aataa jaataa hai wo jis par rahguzar kaisaa hai wo Kaun see rangat ke hain us ke zameen-o-aasmaan Chhaanv hai jis kee yahaan tak bhee shajar kaisaa hai wo Ik nazar men hee nazar aa jaa.egaa wo sar-ba-sar Phir bhee us ko dekhnaa baar-e-digar kaisaa hai wo Main to us ke ek ik lamhe kaa rakhtaa hoon shumaar Aur mere haal-e-dil se be-khabar kaisaa hai wo Us kaa honaa hee bahut hai wo kaheen hai to sahee Kyaa sarokaar is se hai mujh ko 'zafar' kaisaa hai wo KhiDkiyan kis tarah ki hain aur dar kaisa hai wo Sochta hun jis mein wo rehta hai ghar kaisa hai wo Kaisi wo aab-o-hawa hai jis mein wo leta hai sans Aata jata hai wo jis par rahguzar kaisa hai wo Kaun si rangat ke hain us ke zamin-o-asman Chhanw hai jis ki yahan tak bhi shajar kaisa hai wo Ek nazar mein hi nazar aa jaega wo sar-ba-sar Phir bhi us ko dekhna bar-e-digar kaisa hai wo Main to us ke ek ek lamhe ka rakhta hun shumar Aur mere haal-e-dil se be-KHabar kaisa hai wo Us ka hona hi bahut hai wo kahin hai to sahi Kya sarokar is se hai mujh ko 'zafar' kaisa hai wo