khush bahut phirte hain wo ghar men tamaashaa kar ke

Khush bahut phirte hain wo ghar men tamaashaa kar ke Kaam niklaa to hai un kaa mujhe rusvaa kar ke Rok rakhnaa tha abhee aur ye awaaz kaa ras Bech lenaa tha ye sauda zaraa mahngaa kar ke Is taraf kaam hamaaraa to nahin hai koi Aa nikalte hain kisee shaam tumhaaraa kar ke MiT ga.ee hai koi muDtee huee see mauj-e-havaa Chhup gaya hai koi taaraa saa ishaaraa kar ke Farq itnaa na sahee ishq o havas men lekin Main to mar jaaon tiraa rang bhee mailaa kar ke Saaf-o-shaffaaf thee paanee kee tarah neeyat dil Dekhne vaalon ne dekhaa ise gadlaa kar ke Shauq se keejiye aur der na farmaa.iyegaa Kuchh agar aap ko mil jaa.egaa aisa kar ke Yuun bhee sajtee hai badan par ye mohabbat kya kya Kabhee pahnoon isee malboos ko ulTaa kar ke Mujh se chhuDvaa.e mire saare usuul us ne 'zafar' Kitnaa chaalaak tha maaraa mujhe tanhaa kar ke KHush bahut phirte hain wo ghar mein tamasha kar ke Kaam nikla to hai un ka mujhe ruswa kar ke Rok rakhna tha abhi aur ye aawaz ka ras Bech lena tha ye sauda zara mahnga kar ke Is taraf kaam hamara to nahin hai koi Aa nikalte hain kisi sham tumhaara kar ke MiT gai hai koi muDti hui si mauj-e-hawa Chhup gaya hai koi tara sa ishaara kar ke Farq itna na sahi ishq o hawas mein lekin Main to mar jaun tera rang bhi maila kar ke Saf-o-shaffaf thi pani ki tarah niyat dil Dekhne walon ne dekha ise gadla kar ke Shauq se kijiye aur der na farmaiyega Kuchh agar aap ko mil jaega aisa kar ke Yun bhi sajti hai badan par ye mohabbat kya kya Kabhi pahnun isi malbus ko ulTa kar ke Mujh se chhuDwae mere sare usul us ne 'zafar' Kitna chaalak tha mara mujhe tanha kar ke