main ne kab daavaa kiyaa thaa sar ba sar baaqii hoon main

Main ne kab daa'vaa kiyaa thaa sar-ba-sar baaqee hoon main Pesh-e-khidmat hoon tumhaare jis qadar baaqee hoon main Main bahut saa jaise zaa.e' ho chukaa hoon jaa-ba-jaa Haath se mahsoos kartaa hoon kidhar baaqee hoon main DhoonDte hain ab jahaan meraa nishaan tak bhee nahin Us taraf bhee dekh lenaa thaa jidhar baaqee hoon main Meree tafseelaat men jaane kaa mauqa' ab kahaan Ab to aasaan hai samajhnaa mukhtasar baaqee hoon main Din chaDhe honaa na honaa ek saa rah jaa.egaa Ye bhee kya kam hai ki ab se raat bhar baaqee hoon main Kharch sara ho chukaa hoon aur Dunya men kaheen Kuchh agar hoon bhee to khud se be-khabar baaqee hoon main Main kisee kaam aa bhee saktaa hoon agar samjhe koi Aaj bhee khas-khaana-e-dil men sharar baaqee hoon main Main agar baaqee nahin hoon to bhee hai kis ko gharaz Aur hai parvaa yahaan kis ko agar baaqee hoon main Kuchh bhee ho be-sood hai mujh se safar karnaa 'zafar' Jo kaheen jaatee nahin wo rah-guzar baaqee hoon main Main ne kab da'wa kiya tha sar-ba-sar baqi hun main Pesh-e-KHidmat hun tumhaare jis qadar baqi hun main Main bahut sa jaise zae' ho chuka hun ja-ba-ja Hath se mahsus karta hun kidhar baqi hun main DhunDte hain ab jahan mera nishan tak bhi nahin Us taraf bhi dekh lena tha jidhar baqi hun main Meri tafsilat mein jaane ka mauqa' ab kahan Ab to aasan hai samajhna muKHtasar baqi hun main Din chaDhe hona na hona ek sa rah jaega Ye bhi kya kam hai ki ab se raat bhar baqi hun main KHarch sara ho chuka hun aur duniya mein kahin Kuchh agar hun bhi to KHud se be-KHabar baqi hun main Main kisi kaam aa bhi sakta hun agar samjhe koi Aaj bhi KHas-KHana-e-dil mein sharar baqi hun main Main agar baqi nahin hun to bhi hai kis ko gharaz Aur hai parwa yahan kis ko agar baqi hun main Kuchh bhi ho be-sud hai mujh se safar karna 'zafar' Jo kahin jati nahin wo rah-guzar baqi hun main