mere andar wo mere sivaa kaun tha

Mere andar wo mere sivaa kaun tha Main to tha hee magar doosraa kaun tha Log bhee kuch ta.aaruf karaate rahe Mujh ko pahle hee maaloom tha kaun tha Log andaaze hee sab lagaate rahe Vo jabeen kis kee thee naqsh-e-paa kaun tha Mujh se mil kar hee andaaza hogaa koi Vo alag kaun tha wo judaa kaun tha Koee jis par na tha mausamon kaa asar Baad saavan ke bhee wo haraa kaun tha Jis ko ahvaal sara tha maaloom wo Be-khabar raaste men paDaa kaun tha Muntazir jis kee dunya rahi der tak Duur se koi aataa huaa kaun tha Aa.ee jis kee mahak us se pahle kaheen Vo savaar-e-kamand-e-havaa kaun tha Reza reza hee pahchaan men tha 'zafar' Jaante the sabhee jaa-ba-jaa kaun tha Mere andar wo mere siwa kaun tha Main to tha hi magar dusra kaun tha Log bhi kuch taaruf karaate rahe Mujh ko pahle hi malum tha kaun tha Log andaze hi sab lagate rahe Wo jabin kis ki thi naqsh-e-pa kaun tha Mujh se mil kar hi andaza hoga koi Wo alag kaun tha wo juda kaun tha Koi jis par na tha mausamon ka asar Baad sawan ke bhi wo hara kaun tha Jis ko ahwal sara tha malum wo Be-KHabar raste mein paDa kaun tha Muntazir jis ki duniya rahi der tak Dur se koi aata hua kaun tha Aai jis ki mahak us se pahle kahin Wo sawar-e-kamand-e-hawa kaun tha Reza reza hi pahchan mein tha 'zafar' Jaante the sabhi ja-ba-ja kaun tha