na gumaan rehne diyaa hai na yaqiin rehne diyaa

Na gumaan rehne diyaa hai na yaqeen rehne diyaa Raasta koi khulaa ham ne nahin rehne diyaa Us ne TukDon men bikheraa huaa thaa mujh ko jahaan Jaa uThaayaa hai kaheen se to kaheen rehne diyaa Saj rahe the ye shab o roz Kuch aise tujh se Ham ko Dunya hee pasand aa ga.ee diin rehne diyaa Khud to baaghee hue ham tujh se magar saath hee saath Dil-e-rusvaa ko tire zer-e-nageen rehne diyaa Jaa-ba-jaa is men bhee tere hee nishaan the shaamil Ham ne ik naqsh agar apne ta.iin rehne diyaa Ik khabar thee jise zaahir na kiyaa ham ne kabhi Ik khazaana thaa jise zer-e-zameen rehne diyaa Khud to baahar hue ham khaana-e-dil se lekin Vo kisee khvaab men thaa us ko yaheen rehne diyaa Aasmaan se kabhi ham ne bhee utaaraa na use Aur us ne bhee hamen khaak-nasheen rehne diyaa Ham ne chheDaa nahin ashyaa-e-mohabbat ko 'zafar' Jo jahaan par thee paDee us ko vaheen rehne diyaa Na guman rehne diya hai na yaqin rehne diya Rasta koi khula hum ne nahin rehne diya Us ne TukDon mein bikhera hua tha mujh ko jahan Ja uThaya hai kahin se to kahin rehne diya Saj rahe the ye shab o roz Kuch aise tujh se Hum ko duniya hi pasand aa gai din rehne diya KHud to baghi hue hum tujh se magar sath hi sath Dil-e-ruswa ko tere zer-e-nagin rehne diya Ja-ba-ja is mein bhi tere hi nishan the shamil Hum ne ek naqsh agar apne tain rehne diya Ek KHabar thi jise zahir na kiya hum ne kabhi Ek KHazana tha jise zer-e-zamin rehne diya KHud to bahar hue hum KHana-e-dil se lekin Wo kisi KHwab mein tha us ko yahin rehne diya Aasman se kabhi hum ne bhi utara na use Aur us ne bhi hamein KHak-nashin rehne diya Hum ne chheDa nahin ashya-e-mohabbat ko 'zafar' Jo jahan par thi paDi us ko wahin rehne diya