na koi baat kahnii hai na koi kaam karnaa hai

Na koi baat kahnee hai na koi kaam karnaa hai Aur us ke baad kaafee der tak aaraam karnaa hai Is aaghaaz-e-mohabbat hee men puure ho ga.e ham to Ise ab aur kya sharminda-e-anjaam karnaa hai Bahut be-sood hai lekin abhee Kuch aur din mujh ko Savaad-e-sub.h men rah kar shumaar-e-shaam karnaa hai Nishaan denaa hai main ne Kuch ghubaar-aalood samton kaa Koee kaafee puraanaa raaz tasht-az-baam karnaa hai Badee ke taur par karnee hai nekee bhee mohabbat men Ki jo bhee kaam karnaa hai wo be-hangaam karnaa hai Abhee to kaar-e-khair itnaa paDaa hai saamne mere Abhee to main ne har khaas aadmee ko aam karnaa hai Koee badla chukaanaa hai wafa ke naam par us se Masaafat ke liye uThnaa hai aur bisraam karnaa hai Kamaa.ee umr bhar kee hai yahee ik jaa.idaad apnee So ye khvaab-e-tamaashaa ab kisee ke naam karnaa hai Ik aaghaaz-e-safar hai ai 'zafar' ye pukhta-kaaree bhee Abhee to main ne apnee pukhtagee ko khaam karnaa hai Na koi baat kahni hai na koi kaam karna hai Aur us ke baad kafi der tak aaram karna hai Is aaghaz-e-mohabbat hi mein pure ho gae hum to Ise ab aur kya sharminda-e-anjam karna hai Bahut be-sud hai lekin abhi Kuch aur din mujh ko Sawad-e-subh mein rah kar shumar-e-sham karna hai Nishan dena hai main ne Kuch ghubar-alud samton ka Koi kafi purana raaz tasht-az-baam karna hai Badi ke taur par karni hai neki bhi mohabbat mein Ki jo bhi kaam karna hai wo be-hangam karna hai Abhi to kar-e-KHair itna paDa hai samne mere Abhi to main ne har KHas aadmi ko aam karna hai Koi badla chukana hai wafa ke nam par us se Masafat ke liye uThna hai aur bisram karna hai Kamai umr bhar ki hai yahi ek jaidad apni So ye KHwab-e-tamasha ab kisi ke nam karna hai Ek aaghaz-e-safar hai ai 'zafar' ye puKHta-kari bhi Abhi to main ne apni puKHtagi ko KHam karna hai