na us ko bhuul paae hain na ham ne yaad rakkhaa hai

Na us ko bhuul paa.e hain na ham ne yaad rakkhaa hai Dil-e-barbaad ko is tarh se aabaad rakkhaa hai Jhamele aur bhee suljhaane vaale hain ka.ee pahle Aur us ke vasl kee khwaish ko sab se baad rakkhaa hai Rukaa rahtaa hai chaaron samt ashk o aah kaa mausam Ravaan har lahza kaarobaar-e-abr-o-baad rakkhaa hai Phir is kee kaamyaabee kaa koi imkaan hee kya ho Agar us shokh par daa'vaa hee be-buniyaad rakkhaa hai Khizaan ke khushk patte jis men din-bhar khaDkhaDaate hain Isee mausam kaa naam ab ke bahaar-eejaad rakkhaa hai Ye kya kam hai ki ham hain to sahee fehrist men us kee Bhale naa-shaad rakkhaa hai ki ham ko shaad rakkhaa hai Jise lafz-e-mohabbat ke ma'aanee tak nahin aate Use apne liye ham ne yahaan ustaad rakkhaa hai Javaab apne ko chaahe jo bhee wo malboos pahnaa.e Savaal is dil ne us ke aage maadar-zaad rakkhaa hai 'zafar' itnaa hee kaafee hai jo wo raazee rahe ham par Kamar apnee pe koi bojh ham ne laad rakkhaa hai Na us ko bhul pae hain na hum ne yaad rakkha hai Dil-e-barbaad ko is tarh se aabaad rakkha hai Jhamele aur bhi suljhane wale hain kai pahle Aur us ke wasl ki KHwahish ko sab se baad rakkha hai Ruka rehta hai chaaron samt ashk o aah ka mausam Rawan har lahza karobar-e-abr-o-baad rakkha hai Phir is ki kaamyabi ka koi imkan hi kya ho Agar us shoKH par da'wa hi be-buniyaad rakkha hai KHizan ke KHushk patte jis mein din-bhar khaDkhaDate hain Isi mausam ka nam ab ke bahaar-ijad rakkha hai Ye kya kam hai ki hum hain to sahi fehrist mein us ki Bhale na-shad rakkha hai ki hum ko shad rakkha hai Jise lafz-e-mohabbat ke ma'ani tak nahin aate Use apne liye hum ne yahan ustad rakkha hai Jawab apne ko chahe jo bhi wo malbus pahnae Sawal is dil ne us ke aage madar-zad rakkha hai 'zafar' itna hi kafi hai jo wo raazi rahe hum par Kamar apni pe koi bojh hum ne lad rakkha hai