nahin ki tere ishaare nahin samajhtaa hoon

Nahin ki tere ishaare nahin samajhtaa hoon Samajh to letaa hoon saare nahin samajhtaa hoon Tiraa chaDhaa huaa Dariya samajh men aataa hai Tire khamosh kinaare nahin samajhtaa hoon Kidhar se niklaa hai ye chaand Kuch nahin ma.aloom Kahaan ke hain ye sitaare nahin samajhtaa hoon Kaheen kaheen mujhe apnee khabar nahin miltee Kaheen kaheen tire baare nahin samajhtaa hoon Jo daa.en baa.en bhee hain aur aage peechhe bhee Unhen main ab bhee tumhaare nahin samajhtaa hoon Khud apne dil se yahee ikhtilaaf hai meraa Ki main ghamon ko ghubaare nahin samajhtaa hoon Kabhee to hota hai meree samajh se baahar hee Kabhee main sharm ke maare nahin samajhtaa hoon Kaheen to hain jo mire khvaab dekhte hain 'zafar' Koee to hain jinhen pyaare nahin samajhtaa hoon Nahin ki tere ishaare nahin samajhta hun Samajh to leta hun sare nahin samajhta hun Tera chaDha hua dariya samajh mein aata hai Tere KHamosh kinare nahin samajhta hun Kidhar se nikla hai ye chand Kuch nahin malum Kahan ke hain ye sitare nahin samajhta hun Kahin kahin mujhe apni KHabar nahin milti Kahin kahin tere bare nahin samajhta hun Jo daen baen bhi hain aur aage pichhe bhi Unhen main ab bhi tumhaare nahin samajhta hun KHud apne dil se yahi iKHtilaf hai mera Ki main ghamon ko ghubare nahin samajhta hun Kabhi to hota hai meri samajh se bahar hi Kabhi main sharm ke mare nahin samajhta hun Kahin to hain jo mere KHwab dekhte hain 'zafar' Koi to hain jinhen pyare nahin samajhta hun