sirf aankhen thiin Abhi un men ishaare nahin the

Sirf aankhen thiin abhee un men ishaare nahin the Dil pe mausam ye mohabbat ne utaare nahin the Jaisee raaton men safar ham ne kiyaa thaa aaghaaz Sar-ba-sar samten hee samten thiin sitaare nahin the Ab to har shakhs kee khaatir huee matloob hamen Ham kisee ke bhee nahin the jo tumhaare nahin the Jab hamen koi tavaqqo hee nahin thee tum se Aise us vaqt bhee haalaat hamaare nahin the Mohlat-e-umr men rehne diye us ne shaamil Jo shab o roz kabhi ham ne guzaare nahin the Jab nazaare the to aankhon ko nahin thee parvaa Ab inhee aankhon ne chaahaa to nazaare nahin the Duub hee jaanaa muqaddar thaa hamaaraa ki vahaan Jis taraf dekhiye paanee thaa kinaare nahin the Kyuun nahin ishq bhalaa har-kas-o-naa-kas kaa shi.aar Is tijaarat men agar itne khasaare nahin the Thiik hai koi madad ko nahin pahunchaa lekin Ye bhee sach hai ki 'zafar' ham bhee pukaare nahin the Sirf aankhen thin abhi un mein ishaare nahin the Dil pe mausam ye mohabbat ne utare nahin the Jaisi raaton mein safar hum ne kiya tha aaghaz Sar-ba-sar samten hi samten thin sitare nahin the Ab to har shaKHs ki KHatir hui matlub hamein Hum kisi ke bhi nahin the jo tumhaare nahin the Jab hamein koi tawaqqo hi nahin thi tum se Aise us waqt bhi haalat hamare nahin the Mohlat-e-umr mein rehne diye us ne shamil Jo shab o roz kabhi hum ne guzare nahin the Jab nazare the to aankhon ko nahin thi parwa Ab inhi aankhon ne chaha to nazare nahin the Dub hi jaana muqaddar tha hamara ki wahan Jis taraf dekhiye pani tha kinare nahin the Kyun nahin ishq bhala har-kas-o-na-kas ka shiar Is tijarat mein agar itne KHasare nahin the Thik hai koi madad ko nahin pahuncha lekin Ye bhi sach hai ki 'zafar' hum bhi pukare nahin the