yahaan sab se alag sab se judaa honaa thaa mujh ko

Yahaan sab se alag sab se judaa honaa thaa mujh ko Magar kya ho gaya hoon aur kya honaa thaa mujh ko Abhee ik lahar thee jis ko guzarnaa thaa saron se Abhee ik lafz thaa men aur adaa honaa thaa mujh ko Phir us ko DhoonDne men umr saaree biit jaatee Koee apnee hee gum-gashta sadaa honaa thaa mujh ko Pasand aayaa kisee ko meraa aandhee ban ke uThnaa Kisee kee raa.e men baad-e-sabaa honaa thaa mujh ko Vahaan se bhee guzar aayaa hoon khaamoshee men ab ke Jahaan ik shor kee soorat bapaa honaa thaa mujh ko Dar-o-deevaar se itnee mohabbat kis ke liye thee Agar is qaid khaane se rihaa honaa thaa mujh ko Main apnee raakh se be-shak dobaara sar uThaataa Magar ik baar to jal kar fanaa honaa thaa mujh ko Main andar se kaheen tabdeel honaa chaahtaa thaa Puraanee kenchulee men hee nayaa honaa thaa mujh ko 'zafar' main ho gaya Kuch aur varna asl men to Buraa honaa thaa mujh ko yaa bhalaa honaa thaa mujh ko Yahan sab se alag sab se juda hona tha mujh ko Magar kya ho gaya hun aur kya hona tha mujh ko Abhi ek lahar thi jis ko guzarna tha saron se Abhi ek lafz tha mein aur ada hona tha mujh ko Phir us ko DhunDne mein umr sari bit jati Koi apni hi gum-gashta sada hona tha mujh ko Pasand aaya kisi ko mera aandhi ban ke uThna Kisi ki rae mein baad-e-saba hona tha mujh ko Wahan se bhi guzar aaya hun KHamoshi mein ab ke Jahan ek shor ki surat bapa hona tha mujh ko Dar-o-diwar se itni mohabbat kis ke liye thi Agar is qaid KHane se riha hona tha mujh ko Main apni rakh se be-shak dobara sar uThata Magar ek bar to jal kar fana hona tha mujh ko Main andar se kahin tabdil hona chahta tha Purani kenchuli mein hi naya hona tha mujh ko 'zafar' main ho gaya Kuch aur warna asl mein to Bura hona tha mujh ko ya bhala hona tha mujh ko